Yordam › Ofitsiantga › Eslatma

Ofitsiant uchun eslatma: QR-kod orqali choy puli

Endi chekda ikkita kod bor. Pastdagisi — sizning choy pulingiz: mehmon uni skanerlab, pulni toʻgʻridan-toʻgʻri kartangizga oʻtkazadi. Bu puldan na muassasa, na biz hech narsa olmaymiz.

Chekdagi ikki kod

Yuqoridagi — hisobni toʻlashHisob summasi bilan UzQR. Pul muassasaga tushadi.

Pastdagi — choy puliSizning sahifangizni ochadi: ism, rasm va nima uchun pul yigʻayotganingiz. Pul sizga tushadi.

Bir marta nima qilish kerak

Administrator bergan havolani oching. U @qrokuzbot Telegram-botiga olib boradi. «Start» (Запустить) tugmasini bosing — bot sizni taniydi.
Karta: /card buyrugʻi. Bot raqamni soʻraydi — 16 ta raqamni yuboring. Choy puli shu kartaga tushadi.
Rasm: /photo buyrugʻi. Bot rasm soʻraydi — u sahifangizda paydo boʻladi. Mehmonlar tirik odamga koʻproq choy puli qoldiradi.
Maqsad: /goal buyrugʻi. Nima uchun pul yigʻayotganingizni yozing, masalan: ingliz tili kurslariga. Mehmonlar buni koʻradi.
Xohlasangiz — Click havolasi: /click buyrugʻi. Click ilovasida shaxsiy oʻtkazma havolangiz boʻlsa, uni yuboring: mehmon Click orqali bir bosishda oʻtkazadi. Click havolasini qanday topish va botga yuborish — qadam-baqadam.

Eng osoni — panel: /me buyrugʻi uni ochadi, unda «Karta», «Maqsad», «Rasm», «Click» va «Mehmonlar qanday koʻradi» tugmalari bor. Buyruqlar matn maydonining chap tomonidagi menyuda ham bor. Kartani, rasmni yoki maqsadni istalgan vaqtda oʻzgartirish mumkin. Botga buyruqsiz yozgan hamma narsangiz bizga keladi — javob beramiz.

Bularning hammasi bitta sahifada ham bor — botdagi «Mening sahifam» tugmasi.

«Mening sahifam»: «Karta» va «Click» maydonlari — **Karta va Click.** Karta raqamini faqat siz va biz koʻramiz, sahifada — oxirgi 4 raqam.

«Ekrandan QR orqali hisob»: summa va stol maydonlari, «QR-kodni koʻrsatish» tugmasi va bugungi hisoblar — **Ekrandan QR orqali hisob** — agar muassasa uchun yoqilgan boʻlsa: summa va stol raqamini kiriting.

Telefonning butun ekranida hisob summasi bilan UzQR kodi, ostida choy puli kodi — **Mehmon ekrandan skanerlaydi:** toʻlov kodini bank ilovasida, choy puli kodini esa kamera bilan.

Smartfonli ofitsiant. Poster’dagi muassasalarda shu sahifaning oʻzida buyurtma ochish, taom qoʻshish, oshxonaga yuborish va oldindan chekni chop etish mumkin, agar bu sizga yoqilgan boʻlsa. Bu qanday ishlaydi.

Mehmonga nima deyish kerak

Hisobni berayotganda bitta gap ayting va toʻlov kodini koʻrsating. Busiz mehmonlar odatda chekka qaramay, uni chetga qoʻyadi.

«Shu yerda QR orqali toʻlash mumkin — istalgan bank ilovasidan».

Choy puli haqida gapirish shart emas: ikkinchi kodni yozuvi bilan mehmon chekda oʻzi koʻradi va oʻzi hal qiladi. Agar bu qanday kod deb soʻrasa:

«Bu choy puli uchun, xohlasangiz».

Mehmon nimani koʻradi

Ismingiz, rasmingiz va maqsadingiz yozilgan sahifani.
Summa boʻyicha maslahatlar: hisobning 10, 15 va 20%. U xohlagancha kiritadi.
Click tugmasini, Payme, Uzum va boshqa ilovalar uchun esa karta raqamingiz oʻzi nusxalanadi.

Pul haqida

Choy puli kartangizga darhol, oddiy kartadan kartaga oʻtkazma boʻlib tushadi.
Siz mehmon yuborgan summani toʻliq olasiz. Agar uning ilovasi oʻtkazma uchun haq olsa (Click va Payme’da odatda 1,1%), uni mehmon summadan tashqari toʻlaydi.
Biz oʻtkazma summalarini koʻrmaymiz. Faqat sahifangiz necha marta ochilgani koʻrinadi.

Agar nimadir notoʻgʻri boʻlsa

Kod ochilmasa, sahifada boshqa ism yoki boshqa karta boʻlsa — bu haqda @qrokuzbot botiga yozing, javob beramiz. Agar muassasadan ketsangiz, administrator sahifangizni oʻchiradi.

Keyingi qadam

@qrokuzbot’ni ochishKarta, Click havolasi, surat va maqsad — «Mening sahifam»da. Click havolasiMehmon choy pulini bir bosishda oʻtkazishi uchun. Barcha maqolalarOfitsiantga, boshqaruvchiga va mehmonga.